由渺無人煙嘅義塚到人山人海嘅商舖林立，經過幾十年嘅風雨，義字街已成為澳門最具代表性的露天市集，原汁原味地保留了澳門嘅市井文化。

好多街頭小店都有自己嘅鎮店之寶——寵物店長。唔好以為佢哋平時嘅生活就係捉下老鼠同看下門口咁簡單，其實佢哋都有自己嘅生活態度㗎～

葡萄牙人喺四百幾年前來到澳門後，帶來咗西方嘅天主教文化，澳門隨之興建咗唔少天主教堂同修道院，當中最著名嘅要數聖保祿教堂及學院，後來更成為歐洲傳教士來華傳教嘅基地。時至今日，澳門嘅天主教教堂隨處可見。而你又叫得出幾多座教堂嘅名呢？

6月9日是“中國文化和自然遺產日”。 澳門歷史城區成功申報世界文化遺產已經超過十年，但對於澳門四百多年中西文化交融嘅歷史文化精髓你又了解幾多呢？一齊睇下片中嘅內容，睇下你可以講得出幾多～

「涼風有信～秋月無邊～虧我思嬌嘅情緒…. 」

張衛健當年嘅經典口頭禪大家應該都仲記得，但你又知唔知原來佢係一種中國Rap – 南音？

2018年5月16日，國家文化和旅遊部公佈第五批國家級非物質文化遺產代表性項目代表性傳承人名單。其中本澳四名申報者均獲選成為國家級非物質文化遺產代表性項目代表性傳承人，當中就包括了南音說唱傳承人區均祥。

南音原係港澳同珠江三角洲一種以廣州話表演嘅傳統說唱音樂。20世紀初，南音喺港澳十分流行，藝人主要嘅表演場所係茶樓、妓院，當時嘅茶樓老闆為招徠顧客，皆爭相邀請藝人演唱。

後來粵曲廣受歡迎，減低了地水南音的吸引力。到咗六十年代，電台嘅廣播流行，改變了聽眾往茶樓聽曲嘅模式，社會風氣轉變，且無後人承繼，傳統演出場合亦逐漸消失，導致南音衰落。

回力球係西班牙國技。兩個玩家面對牆、手帶籐績、香蕉形嘅手套嚟接波同打返個波出去牆度，個波反彈對家接，接唔到就輸一分。

上世紀70年代，澳門引入回力球，成為澳門首個球類嘅博彩項目，1974年係新口岸區水塘側建成回力球場後，回力球運動隨之係澳門民間盛行。

雖然澳門回力球場已經喺1990年結業，但到現時呢項運動仍然喺一班波友心中烙下深深嘅印記。

澳門被封為「創意城市美食之都」，靠嘅唔單止係五星酒店入面五花八門嘅餐廳，更多地仲有一眾來自街頭嘅民間小食為呢個名譽撐場！

有冇聽過“響朵”街頭藝術節？冇？如果你仲未聽過佢地個“朵”，咁就去片睇睇佢地喺澳門搞咗d乜啦，唔好搞到自己咁孤陋寡聞～
於2017年11月，“響朵街頭藝術節－司打口站”邀請咗超過15位街頭世界各地嘅藝術家為一整個司打口區域帶來10多件唔同靈感同創想嘅藝術作品。

活動中除咗有街頭藝術，亦破天荒有DJ音樂於街頭即興表演同精選電影分享充斥於活動期間，帶比觀眾各種輕鬆愉悅嘅玩樂享受。
活動期間，仲開設咗響朵臨時藝術體驗空間以及開放自由塗鴉墻比大眾，通過社區文化共享提供給大眾更多嘅互動。

睇完片，起碼下次再聽到人地撻個“朵”出來，都會知道人地係邊個山頭a～

知唔知可以食入口嘅非物質文化遺產係乜？

係龍嵩街有一間唔起眼嘅手信店——金燕西洋牛油糕葡式食品，係澳門唯一一間人手製作傳統葡式食品嘅餅店。由創辦人何金燕於2011年開業至今，一直堅持自家製作葡式食品嘅傳統手藝，並致力於將牛油糕、葡式曲奇同蟲仔餅等等喺澳門幾乎絕跡嘅傳統葡式糕點再次發揚光大！

非遺嘅味道係點？就真係好難透過鏡頭話你知..
但非遺嘅樣子係點？就可以同大家一齊睇睇先～

位於塔石廣場嘅農曆年宵市場已經開市啦～
今年塔石廣場年宵市場設有24個售賣賀年禮品攤檔、6個售賣年花攤檔及4個售賣小食攤檔，年宵市場會開到2月16(農曆正月初一), 如果想為狗年增添d擺設,就快d過來啦。