人生不可以浪費一滴奶茶啊～

老闆～唔該齊醬～

有時食街頭小食都係為咗啲醬啫～

#澳門美食年

芝麻綠豆非小事~~佢地湊埋一起竟然係可以補腎補腦兼養顏～～~

#澳門美食年

絲襪奶茶（大排檔奶茶）係具港澳特色嘅一種奶茶，為港澳人日常下午茶中常見嘅飲品。基本上，喺港澳大部分茶餐廳供應嘅奶茶都是用「絲襪奶茶」嘅方式沖泡。

所謂嘅「絲襪奶茶」，就是將煮好嘅紅茶用所謂嘅「絲襪」（棉紗網）過濾，作用除咗濾走茶渣以外，亦使到紅茶更香滑，然後再加入淡奶同糖。由於棉紗網經奶茶浸泡，網顏色與絲襪非常接近，因此被稱為「絲襪奶茶」。

#澳門美食年

澳門以前大多數居民都係以打魚為生，豐富嘅漁獲食唔晒，就會以鹽醃之，曬乾之後製成鹹魚海味。由此，就衍生咗鹹魚海味手信業，更一度成為澳門經濟嘅支柱行業。

澳門以前曬鹹魚嘅場地充裕，日照長、曬時足，加上選料上盛、製作講究，自然出產多上品，故濠江鹹魚曾經遠近馳名。鹹魚海味手信業半個世紀前曾擁有過輝煌嘅「黃金時代」，更一度成為澳門主要的「出口產品」。

#澳門美食年

澳門路環九澳以前盛産銀蝦，每年七、八月銀蝦當造，村民家家戶戶就會不分晝夜，紛紛出海捕撈，除鮮吃之外，還會將剩餘嘅漁獲醃製成蝦醬。

現代嘅蝦醬係蝦膏（【熊貓茶記】蝦膏）嘅延伸產品，主要原料係蝦膏。使用前會先將蝦膏以乾鍋煨香，再佐以其它配料，如蔥頭、蒜頭、魚露等煮成醬，這樣才稱做蝦醬。

#澳門美食年

蝦膏是用細蝦加入鹽，發酵磨成粘稠狀後，在陽光下暴曬，等其水分蒸發而成膏狀，就成為蝦膏。蝦膏係華南地區、膠東半島、香港、澳門、東南亞同韓國沿海地區常見嘅海味，在使用上被定位為調味料嘅原料之一。

#澳門美食年

【熊貓茶記 – 澳門美食篇】蝦餃燒賣

如果一盅只可以配兩件，咁一定係一件蝦餃同一件燒賣！

蝦餃 – 以一層澄麵皮包裹著一至兩隻蝦為主餡，有肉有筍，蝦要爽口彈牙，餃皮要薄而軟，如果係半透明可以見到內餡、餃內又有少量汁液就為最佳。

燒賣 – 原稱「梢麥」，係一款來自中國北方嘅點心，因形似北方嘅麥梢而得名。普通話嘅「麥」同廣東話「賣」近似，所以廣東人稱之爲「燒賣」。一般來講，燒賣可分為三層，由上至下依次係蟹黃、鮮蝦，以及加入香菇嘅肉餡。

#澳門美食年

【熊貓茶記 – 澳門美食篇】夾餅

夾餅，又叫格仔餅或者窩夫，係源自比利時嘅小食，將雞蛋、砂糖、麵粉、淡奶溝埋一齊，倒落個格仔形嘅模烘熱佢。

喺港澳地區，格仔餅會搽牛油、花生醬、煉奶同糖漿，再對折夾成半圓形。

#澳門美食年

【熊貓茶記 – 澳門美食篇】香蕉船

香蕉船係一款西式甜品，通常由香蕉同雪糕組合而成。由於甜品嘅外型似足一艘船，所以得出咁嘅名。香蕉船常用材料包括雪糕、香蕉、芒果、餅乾、朱古力醬等。

咁多樣嘢加埋一齊，真係「同蕉共濟」～

#澳門美食年