【熊貓茶記 – 澳門美食篇】身懷蝦子

蝦子麵，一款會“懷孕”嘅麵～

蝦子麵一般由麵粉、蝦籽、水和蛋製成，係廣東甚具代表性嘅麵食產品之一。麵條表面一般可以清楚見到蝦卵，就好似撒滿芝麻一樣。市售的蝦子麵通常係乾燥過嘅硬麵，燒煮之後作撈麵用，味道絕佳。

#澳門美食年

【熊貓茶記 – 澳門美食篇】香腸魚蛋

香腸同魚蛋嘅街頭小食王之爭，可能永遠冇完結嘅一日……

#澳門美食年

【熊貓茶記】回家後的少女

麻甩 – 可能係每個少女都唔想畀人知嘅一面～

【熊貓茶記 – 澳門美食篇】

雞蛋仔嘅起源係當時嘅雜貨店為免白白浪費咗d破裂嘅雞蛋，於是將麵粉同牛油等食材加入蛋漿，然後倒入模具烘焗；後來有人設計出雞蛋狀嘅模具，於是被命名為「雞蛋仔」。

傳統嘅雞蛋仔會放喺炭火上烘烤而成，但近年為咗節省成本及安全，大多店鋪都已改用電爐。

#澳門美食年

【熊貓茶記 – 澳門美食篇】

雞蛋仔、夾餅可以話係平民小食之霸，但原來佢地仲有一個兄弟「香蕉糕」！

「香蕉糕」這種小食現時喺內地同香港都已經好少見，而佢嘅製作方法就同雞蛋仔差唔多，主要係以香蕉形狀為主，並加入香蕉油，令佢自身散發出絲絲嘅香蕉味。

#澳門美食年

【熊貓茶記 – 澳門美食篇】

⭐✨豬肉X烘爐✨⭐ ＝ 豬肉乾

澳門買手信，豬肉乾必不可少。而澳門嘅豬肉乾大多以炭火烤烘為主，有啲更會即燒即賣。而最好嘅肉乾，通常會精選豬後腿肉及上等腹脇肉，透過除脂、去筋、去皮、去骨、精切成肉片，再以獨特配方醃製，傳統炭燻製成。

#澳門美食年

【熊貓茶記 – 澳門美食篇】

⭐✨雞蛋x剁碎肉x薯仔 ✨⭐＝ 免治

「免治」（Minchi）名稱源自英文「Mince」（剁碎）嘅諧音，係一種以絞肉或碎肉加上經油炸後嘅薯仔粒拌炒製作而成嘅澳門菜餚，係澳門土生菜的代表之一，亦係土生葡人家庭都會烹煮的美食之一。

現在，好多澳門茶餐廳都會供應免治豬肉或牛肉飯，但做法與傳統嘅土生葡人免治不同，大多會加入太陽蛋或三色菜。

而免治更係2017年BBC推介的澳門十大必試美食之一。

#澳門美食年

【熊貓茶記 – 澳門美食篇】

⭐✨蛋漿X撻皮 ✨⭐＝ 蛋撻

蛋撻喺邊度來的？聽講喺中世紀，英國人已經利用奶品、糖、蛋及不同香料，製作類似蛋撻嘅食品。1399年英格蘭國王亨利四世嘅一次宴會更有食用蛋撻嘅記載。

而聽講蛋撻開始出現喺中國係由1920年代開始，當時廣州各大百貨公司競爭激烈，百貨公司嘅廚師每周都會以「星期美點」作招徠。

1950年代蛋撻開始出現喺港澳茶餐廳。初時茶餐廳嘅蛋撻都比較大，一個蛋撻便可以成為一份下午茶餐。不過從1990年代起，兼營包餅嘅茶餐廳就逐漸減少，只有舊式茶餐廳方有自家烤製嘅蛋撻。

#澳門美食年

【熊貓茶記 – 澳門美食篇】

⭐✨馬介休x薯蓉 ✨⭐＝馬介休球

澳門有唔少出名嘅食物都起源於葡國嘅飲食文化，當中最出名嘅一道要數馬介休球。

馬介休係來自葡文Bacalhau，葡國係將醃製後嘅鱈魚同薯蓉炸成球，而改良後嘅澳門馬介休係用新鮮而冇醃製過嘅鱈魚。

聽講馬介休喺葡國有1000種唔同吃法，包你食足3年都可以日日有唔同嘅花款同口味，所以可以話冇馬介休嘅葡國餐廳，絕對稱唔上係正宗嘅葡國餐廳。

#澳門美食年

【熊貓茶記 – 澳門美食篇】

⭐仁杏餅⭐，係杏仁餅先啱～

杏仁餅原本係一款廣東省傳統嘅特色餅食，相傳由綠豆餅發展而來，主要原料係綠豆粉，只因外觀似杏仁，所以先叫杏仁餅。最初嘅杏仁餅係將綠豆磨成粉，再製成杏仁狀嘅餅，再喺餅中間夾一塊糖醃豬肉，經烘烤後製成綠豆餅。

宜家喺澳門地區，杏仁餅已經變成咗旅遊必買嘅手信之一。

#澳門美食年